21:11 / 13.05.2020
Edinson Cavani refuzon rinovimin e kontratës
Sulmuesi i PSG, Edinson Cavani mbetet i pasigurt për të ardhmen në “Parkun e Princave”.
Uruguaiani muajin e ardhshëm do jetë agjent i lirë, pasi i skadon kontrata dhe thuhet se nuk dëshiron ta rinovojë.
Në muajt e fundit, Cavani është i lidhur me kalimin te Atletico Madrid, por ka raportime se kërkohet edhe nga Manchester United e Chelsea.
33-vjeçari këtë sezon nuk ka luajtur rregullisht sepse PSG ka preferuar treshen në sulm Neymar, Mbappe dhe Icardi.
Mirëpo, nëse PSG e rikthen Icardin te Inter, atëherë thuhet se Cavani do ta rimendojë largimin.























