08:16 / 19.05.2020
Përshihet nga zjarri një makinë në Elbasan, ngrihen dyshime
Rreth orës 1.00 pas mesnate në lagjen “5 Maji”, një Audi me targë AA 774 TE u përfshi nga flakët. Makina është në pronësi të Marsel Karanxhës.
Makinës dyshohet se i është vënë zjarri qëllimisht. Ajo ishte parkuar pranë banesës nga pronari i saj.
Zjarrfikësit arritën ta shuajnë, por mjeti u dogj pjesërisht. Policia shkoi në vendin e ngjarjes dhe ka nisur hetimet.
Djegia e kësaj makine pason atë të një tjetër po në këtë lagje disa ditë më parë. Makina që u dogj më herët ishte e një punonjësit të Policisë së Elbasanit.























