Cakaj uron qeverinë e re të Kosovës
Sharr Travel

Cakaj uron qeverinë e re të Kosovës

Ministri i Jashtëm i Shqipërisë,Gent Cakaj, uron qeverinë e re të Kosovës, ku ndër të tjera ka thënë se do të riafirmojmë përkushtimin për të thelluar bashkëpunimin mes dy vendeve.

Ministri në detyrë për Evropën dhe Punët e Jashtme, Gent Cakaj, me anë të një postimi në tëitter, është shprehur për krijimin e qeverisë së re të Kosovës.

Kryediplomati, ka përgëzuar krijimin e Qeverisë, nën udhëheqjen e Kryeministrit të ri të Kosovës, z. Avdullah Hoti, dhe po ashtu ka uruar Ministren e Jashtme, znj. Meliza Haradinaj Stublla, për marrjen e detyrës.

“Ne riafirmojmë përkushtimin tonë për të thelluar bashkëpunimin e ndërsjellë ndërmjet dy vendeve tona dhe për të ruajtur orientimin pro Bashkimit Evropian dhe pro amerikan.”- ka përfunduar Cakaj postimin e tij./Balkanweb