18:57 / 04.06.2020
E konfirmon “Bild”, pesë top-klube pas Kai Havertz!
E përditshmja gjermane, Bild, ka konfirmuar se plot 5 ekipe “big” janë vënë pas shërbimeve të talentit të Leverkusen, Kai Havertz.
Bayern Munchen (që shihet dhe si ekipi favorit), Manchester United, Real Madrid, Liverpool dhe Chelsea janë skuadrat e interesuara.
Leverkusen është gati të shesë Havertz, por oferta duhet të jetë sipas kushteve të tyre: Më shumë se 100 milion euro! Vlera e 20 vjeçarit është 78.90 milion euro sipas Transfermarkt, por Leverkusen synon një shumë me 9 shifra.
Bayerni shihet si skuadra favorite për firmën e fantazistit gjerman, por duke parë interesimin e madh, vetë Havertz mund të tundohet për të provuar një eksperiencë të re, në një kampionat të ri.























