Valencia nuk gjen blerës për portierin holandez
BKT
Sport

Valencia nuk gjen blerës për portierin holandez

Valencia nuk po kalon një situatë të mirë financiare dhe drejtuesit kanë kërkuar uljen nga 10 deri në 25% të 160 milionë eurove që shpenzohen për skuadrën dhe stafin.

Një prej lojtarëve që ka koston më të lartë në bilanc, 11 milionë euro në vit, Jasper Cillessen, është i pari në listën e largimeve.

Portieri holandez u ble për 35 milionë euro nga Barcelona dhe tani drejtuesit duhet të gjejnë një sistemim të ri për 31-vjeçarin dhe nuk do të jetë e lehtë, pasi në bilanc kostoja e tij është 26.3 milionë euro.

Vetëm klubet angleze kanë një mundësi ekonomike për një operacion të tillë, por deri tani nuk ka asnjë interesim për portierin holandez.