Policia bllokon hyrjet – katër trupa të pajetë nxirren nga Infektiva
Një numër i shtuar i pjesëtarëve të Policisë së Kosovës është vërejtur mëngjesin e sotëm pranë Klinikës Infektive të QKUK-së.
(E plotësuar) Kjo për arsye se dyshohet se që nga mesnata, katër persona të prekur me koronavirus kanë humbur jetën.
Para pak çastesh janë nxjerrë trupat e viktimave nga Infektiva.
Policia mëngjesin e sotëm ka rrethuar Infektivën.
Aktualisht deri më tani janë të konfirmuar 66 viktima nga COVID-19 në Kosovë.
Vërehet numër i shtuar i policëve pranë Klinikës Infektive
Forca të shtuara të pjesëtarëve të Policisë së Kosovës janë vendosur para Klinikës Infektive në QKUK.
Mëngjesin e së dielës policia ka bllokuar hyrjet për në këtë klinikë. Ndërkohë, mjekësia ligjore është duke i larguar trupat e pajetë.
Kujtojmë se vetëm dje Instituti Kombëtar i Shëndetësisë Publike të Kosovës ka njoftuar se janë regjistruar 178 raste të reja me Covid-19. Po ashtu gjatë ditës së djeshme kanë ndërruar jetë 8 persona të prekur nga ky virus.
























