Ambasada e Francës mohon se ka bllokuar komunikimin me presidentin Thaçi
BKT
Lajme

Ambasada e Francës mohon se ka bllokuar komunikimin me presidentin Thaçi

Ambasada e Francës në Kosovë ka mohuar se kanë bllokuar marrëdhëniet me presidentin e Kosovës, Hashim Thaçi.

Nëpërmjet një njoftimi në llogarinë zyrtare në “Twitter” është thënë Ambasada e Francës ka kontakte të rregullta me të gjithë liderët kosovarë, pa përjashtim.

“Ambasada e Francës ka kontakte të rregullta me të gjithë liderët politikë dhe institucionalë dhe nuk ‘bllokon komunikimin’ me asnjërin prej tyre”, është thënë në reagimin e Ambasadës së Francës.

Kjo ishte përgjigje ndaj raportimeve të medieve se presidenti është izoluar nga misionet ndërkombëtare në Kosovë pas propozimaktakuzës nga Zyra e prokurorit të Gjykatës Speciale.


MË SHUME NGA Lajme