Shefi i OBSH-së: Ndikimi i COVID-19 do të ndihet edhe dekadave të ardhshme
Sharr Travel

Shefi i OBSH-së: Ndikimi i COVID-19 do të ndihet edhe dekadave të ardhshme

Përhapja globale e koronavirusit është lloji i katastrofës efektet e së cilës do të zgjasin shumë në të ardhmen, tha të premten Drejtori i Përgjithshëm i Organizatës Botërore të Shëndetit Tedros Adhanom Ghebreyesus.

“Pandemia është një krizë shëndetësore një herë në një shekull, efektet e së cilës do të ndjehen për dekada të ardhshme,” i tha Tedros në takimin e komitetit të urgjencës së OBSH-së.

Pandemia ka shkaktuar vdekjen e më shumë se 670,000 njerëzve që kur u shfaq Wuhan, përcjell portali rtv21.tv.

Megjithëse njohuritë për virusin e ri kanë përparuar, shumë pyetje mbetën pa përgjigje, shtoi Tedros të premten.

“Rezultatet e hershme nga studimet e serologjisë (antitrupave) po pikturojnë një pamje të qëndrueshme: shumica e njerëzve në botë mbesin të ndjeshëm ndaj këtij virusi, madje edhe në zona që kanë përjetuar shpërthime të rënda,” tha ai.

“Shumë vende që besuan se kishin kaluar më keq, tani po kapen me shpërthime të reja. Disa që ishin prekur më pak në javët e hershme, tani po shohin një numër përshkallëzues të rasteve dhe vdekjeve.”