14:41 / 09.09.2020
KQZ-ja e re, tre përfaqësuesit e PS-së për Komisionin e Posaçëm Parlamentar
PS ka gati 3 emra të përfaqësuesve të saj për Komisionin e Posaçëm Parlamentar që që do të kalojë në filtër kandidatët për strukturat e reja të Komisionit Qendror të Zgjedhjeve.
Ata janë Alket Hyseni, Arbnor Shmeti dhe Damian Gjiknuri.
Ndërsa kujtojmë se dje PD zgjodhi përfaqësuesin e saj, ai është Oerd Bylykbashi .
Që prej datës 29 gusht, Kuvendi ka hapur aplikimet për 12 vendet vakante në katër strukturat e reja të KQZ-së. Për komisionerin Shtetëror të Zgjedhjeve, nënkomisionerin Shtetëror të Zgjedhjeve, 5 anëtarë të Komisionit Rregullator dhe 5 anëtarët të Komisionit të Ankimimeve dhe Sanksioneve./Top Channel























