Arsenal e nis sezonin furishëm, shënon fitore bindëse ndaj Fulham
BKT
Sport

Arsenal e nis sezonin furishëm, shënon fitore bindëse ndaj Fulham

Arsenal e kanë nisur për mrekulli sezonin 2020/21.

Skuadra e drejtuar nga Mikel Arteta, ka dhënë sinjale mëse pozitive në ndeshjen hapëse të këtij sezoni në Premierligë.

‘Gunners’ kanë shënuar fitore në udhëtim kundër Fulham, me rezultatin 0:3.

Goli i parë në këtë takim erdhi në minutën e 9’, nga Alexandre Lacazette, pas asistimit të Willian

Ne pjesën e dytë, londinezët gjetën golin edhe dy herë të tjera.

Fillimisht ishte Gabriel ai që realizoi, në minutën e 49’, pas një goditje nga këndi, duke u regjistruar edhe asistimi i dytë i Willian, shkruan Lajmi.net.

Rezultatin final e vulosi Pierre Emerick Aubameyang, sikur të mos mund të mungonte në listën e realizatorëve. Edhe në këtë gol asistoi Willian.

Me këtë fitore, Arsenal numëron tri pikët e para për këtë sezon. Fulham e nis edicionin me humbje, por edhe me paraqitje krejtësisht të zbehtë.