14:03 / 29.09.2020
Shtyhet votimi për ndryshimet në Kodin Zgjedhor
Votimi që pritej të mbahej këtë të enjte në seancë parlamentare për ndryshimet e Kodit Zgjedhor është shtyrë.
Kanë qenë kryetarët e grupeve parlamentare opozitare që kanë depozituar kërkesën për heqjen e kësaj pike nga rendi i ditës për seancën plenare te datës 1 tetor 2020.
Sakaq me kërkesë të Kryetarit të Kuvendit Gramoz Ruçi, për t’iu lënë kohë të mjaftueshme grupeve parlamentare për dialog lidhur me ndryshimet në Kodin Zgjedhor si dhe komisionit përgjegjës për Çështjet Ligjore për shqyrtimin e tyre, seanca plenare e Kuvendit të Shqipërisë, programuar për ditën e enjte, datë 1 tetor, ora 10:00, do të zhvillohet ditën e hënë, datë 5 tetor, ora 10:00.























