Sqarohet Mourinho, tregon çka ndodhi me Dierin dhe përplasjen me Lampardin
BKT
Sport

Sqarohet Mourinho, tregon çka ndodhi me Dierin dhe përplasjen me Lampardin

Trajneri portugez Jose Mourinho mbetet pa dyshim trajneri që dhuron më tepër spektakël në elitën e futbollit të Evropës. Këtë herë në përballjen e Kupës ndaj Chelseas ka pasur dy momente pikante.

E para mbetet pa dyshim ngritja e tonit pasi shkoi në tualet për të nxjerrë Dierin, teksa ishte minuta e 77 dhe natyra e kishte thërritur lojtarin e Tottenhemit.

Por rezultati ishte në shifrat 0:1 në favor të Chelseat dhe po rrezikohej për të pësuar të dytin.

I pyetur në konferencë nga gazetarët nëse ishte në dijeni sesa e sikletshme është kur dikush të qëndron mbrapa teksa urinon, Murinjhon ka vazhduar duke qeshur: “Problemi me Dier ishte se nuk po urinonte, por shumë më keq se kaq. Doja t’i ushtroja pak presion që të kthehej në kohë për minutat e mbetura”.

Ndërkohë sa i përket përplasjes me Lampard, nuk ka munguar përgjigja për trajnerin e Chelseat.

“Në ndeshjen e fundit kur po humbiste 3:0, po më vinte aq shumë keq për të pasi ishte i qetë dhe i trishtuar në karrigen e tij. Në termat e futbollit nuk mund t’i them asgjë, është vetëm një opinion, por qëndro në këmbë dhe bërtit kur ekipi yt është duke humbur dhe qëndro i qetë kur skuadra jote po fiton”, është shprehur Murinho.