John Legend me performancë emocionale në “Billboard Music Awards 2020”
BKT
Magazina

John Legend me performancë emocionale në “Billboard Music Awards 2020”

John Legend është shfaqur për herë të parë në një skenë që kur njoftoi humbjen e fëmijës së tij të tretë, duke performuar drejtpërdrejt në “Billboard Music Awards 2020”.

41-vjeçari i kushtoi performancën emocionale gruas së tij, modeles dhe prezantueses Chrissy Teigen, përmes këngës “Never Break”.

Çifti njoftuan humbjen e djalit të tyre të vogël, të cilin ata e kishin quajtur Jack, në fillim të këtij muaji në Instagram me një seri fotografish bardh e zi në spital.

John Legend (Foto: Sky News)

Teigen, 34 vjeçre, u tha fansave se të dy ishin ‘të tronditur’ dhe në ‘dhimbje të madhe’ pasi pësuan abortin.

I veshur tërësisht në të bardha në një piano në Teatrin ‘Dolby’ në Los Angeles, Legend parapriu shfaqjen e tij duke thënë: “Kjo është për Chrissy”.

Balada, nga albumi i tij “Bigger Love” i vitit 2020, përfshin tekstin e këngës: “Unë nuk jam i shqetësuar për ne dhe nuk kam qenë kurrë. Ne e dimë se si përfundon historia. Ne kurrë nuk do të ndahemi”.

Chrissy Teigen (Foto: Instagram)

Ceremonia e ndarjes së çmimeve, me nikoqire Kelly Clarkson, fillimisht do të mbahej në prill, por është shtyrë për shkak të coronavirusit.

Duke prezantuar këngën e Legend, Clarkson tha: “Ai dhe Chrissy të dy kanë këtë mënyrë të ngrohtë për të na ftuar në botën e tyre”.

“Zemra ime – padyshim që të gjithë zemrat tona – ju drejtohemi të dyve në këtë kohë shumë të vështirë. Dhe unë jam mirënjohëse që vazhdoni të ndani pozitivitetin dhe talentin tuaj me të gjithë ne”.

Pas performancës, ajo e quajti këngën e Legend ‘shumë të veçantë’ dhe tha se ishte momenti ‘më i preferuar i kësaj nate’.


MË SHUME NGA Magazina