15:55 / 17.10.2020
Prishtina dërrmon Besën, Oto John shënon het-trik, Drenica shokon Llapin
Prishtina i është rikthyer fitoreve në elitën e futbollit tonë, duke e deklasuar Besën e Pejës, me rezultat 4-0, të shtunën në ‘Fadil Vokrri’, në kuadër të javës së gjashtë, raporton RTKLive.com.
Prishtinasit gjatë terë ndeshjes ishin ekip më i mirë në terren sesa skuadra pejane. Njeriu i ndeshjes padyshim se ishte sulmuesi Oto John, i cili shënoi het-trik në minutën e 3-të dhe 25-të dhe 59-të, derisa golin e katërt për kryeqytetasit e realizoi Mërgim Pefqeli në minutën e 75-të.
Ndërkohë, fitore të madhe sot ka arritur edhe Drenica e cila në udhëtim mundi Llapin, me rezultat 0-1.
Hysen Tahiri në minutën e 54-të shënoi golin e fitores për trepikëshin tejet të rëndësishme për kuqezinjtë nga Skenderaj. /RTKLive/























