Enrique Iglesias, në krye të Billboard Latin Music Awards 2020
BKT
Magazina

Enrique Iglesias, në krye të Billboard Latin Music Awards 2020

Enrique Iglesias tanimë shënon një tjetër sukses në jetën tij. Billboard Latin Music Awards 2020 e ka shpallur atë si këngëtarin latin më të mirë të vitit .

Lajmi është bërë i ditur nga Telemundo dhe vetë platforma muzikore Billboard. Ceromonia do të mbahet në ditën e neserme në Qendrën BB&T Sunrise, në Florida.

Ndër vite Iglesias ka publikuar më shumë se 40 hite ku të gjitha këngët janë shkarkuar 19 miliardë herë në platformat muzikore, si dhe videoklipet e artistit kanë arritur të marrin mbi 17 miliardë klikime. Mbi 10 milionë njerëz i kanë ndjekur koncertet e këngëtarit anembanë botës.

Këngëtari spanjoll ka qenë 31 herë i pari në tabelën Latin Airplay dhe në Top 10 e Billboard Hot 100 për 40 herë. Ai, gjithashtu, për 43 herë ka qëndruar në vendin e  parë në aplikacionin Latin Pop Airplay.

Kritikët e kanë cilësuar Enriquen si një artist ikonik, yll global i muzikës dhe një profesionist i kësaj industrie, por më e rëndësishmja, ai është një njeri i jashtëzakonshëm. Muzika e tij i ka kaluar gjeneratat, dhe ky çmim është mëse i merituar.

Gjatë një interviste në vitin 2018, Iglesias deklaroi se një ditë do të ndalë së bëri muzikë dhe turne pasi dëshiron që të fokusohet tek familja. Turneu i radhës i Iglesias është planifikuar për në vitin 2021.


MË SHUME NGA Magazina