Në Shqipëri regjistrohen gati 300 të infektuar me Covid-19 në 24 orë
Ministria e Shëndetësisë bën të ditur se në 24 orët e fundit janë zbuluar 297 raste të reja me Covid-19, ndërsa katër qytetarë kanë humbur jetën.
Aktualisht në dy spitalet Covid po trajtohen 257 pacientë, 19 në terapi intensive nga të cilët 5 pacientë janë të intubuar.
Listës së të shëruarve në orët e fundit i janë shtuar 116 qytetarë, duke e çuar në 10341 numrin e të shëruarve në vend, që prej fillimit të epidemisë.
Ministria thekson se në total janë kryer 111,564 testime, kurse numri i rasteve pozitive ka shkuar mbi 17 mijë. Aktualisht në 12 qarqet e vendit janë evidentuar 7145 raste aktive, ndërkohë numri i atyre që kanë humbur jetën ka shkuar në 462, njofton euronews.albania.
Shpërndarja gjeografike e rasteve aktive sipas qarqeve:
Tiranë 3505
Durrës 718
Shkodër 494
Fier 445
Korçë 456
Lezhë 360
Elbasan 313
Vlorë 283
Berat 218
Kukës 175
Dibër 91
Gjirokastër 87.
Ministria e Shëndetësisë fton qytetarët të treagojnë kujdes, të mbajnë maskë, të shmangin grumbullimet masive si dhe të respektojnë protokollet shëndetësore anti-covid.























