Konfirmohen dy mungesa të mëdha për Barcelonën kundër Juventusit

Konfirmohen dy mungesa të mëdha për Barcelonën kundër Juventusit

Përveç humbjes në El Clasico, Barcelona vijon të “humbë pjesët” edhe për sfidën e Ligës së Kampionëve ndaj Juventusit në Torino, pasi deri tani janë konfirmuar mungesat e dy titullarëve të formacionit të Koeman.

Kështu i pari që humbi përballjen me bardhezinjtë ishte mbrojtësi Gerard Pique, i cili u ndëshkua me karton të kuq në sfidën e kësaj mesjave përballë hungarezëve të Ferencvarosh, ku katalanët fituan me rezultatin e thellë 5-1.

Sot klubi i Barcelonës konfirmoi se me skuadrën në Torino nuk do të ushëtojë as fantazisti Brazilian Philippe Coutinho, i cili është dëmtuar në përballjen ndaj Realit të Madridit dhe do të nisë procesin e rikuperimit.

Bëhet fjalë për një dëmtim muskulor në këmbën e majtë dhe mjekët e klubit të Barcelonës kanë sugjeruar 3-4 ditë pushim para se të rikthehet në stërvitje, ndërsa trajneri Koeman nuk ka ndërmend të rrezikojë asgjë dhe ka vendosur ta larë brazilianin në shtëpi.