Teliti: Shqiptarët vdesin trotuareve të përzënë nga spitalet

Teliti: Shqiptarët vdesin trotuareve të përzënë nga spitalet

Eksperti për çështjet ekonomike në PD, Dorjan Teliti, akuzoi kryeministrin Edi Rama se po bën propagandë për shëndetësinë.

Me anë të një postimi në “Facebook”, Teliti tha se në të vërtetë sektori i shëndetësisë në Shqipëri është i lënë pas dore dhe qytetarët vdesin rrugëve.

“Faktet janë kokëforta dhe asnjë video 3D nuk e fsheh dot të vërtetën që jemi vendi me numrin më të ulët të mjekëve për 1000 banorë në Ballkan, kemi pagat më të ulëta për mjekët, kemi buxhetin më të ulët për shëndetësinë dhe kryejmë disa herë më pak testime për COVID se çdo vend i rajonit. Shëndetësia në 3D e ER është çështje e kinemasë, jo e realitetit. Realiteti thotë që shqiptarët vdesin trotuareve të refuzuar dhe të përzënë nga spitalet. Realiteti i shëndetësisë së ER thotë që mjekët dhe infermierët ikin nga sytë këmbët nga ky vend, ndërsa diploma e studentit të mjekësisë shërben thjeshtë si vizë pune në Gjermani.”


MË SHUME NGA Mbarëshqiptare