Superliga rikthehet me ndeshjet e javës së dhjetë, live në Radio Kosova
Skuadrat elitare rikthehen këtë fundjave me ndeshjet e xhiros së dhjetë, raporton RTKLive.com.
Kjo xhiro e cila sjellë sfida mjaft interesante dhe të rëndësishme, hapet nesër pasdite me tri ndeshje joshëse.
Sfida kryesore e së shtunës luhet në Gjilan, ku Gjilani pret Feronikelin, në një duel ku pikët janë tejet të rëndësishme për këto dy skuadra që synojnë pjesën e epërme të tabelës.
E shtuna sjellë edhe dy përballje tjera, ku Ballkani në super-formë është i nikoqir i Besës së Pejës, derisa Arbëria synon tu kthehet fitoreve në duel me Trepçën ’89.
Edhe e diela parashikohet të jetë e ‘nxehtë’ në Superligën e Kosovës. Llapi do të sfidojë Dritën, derisa Drenica matë forcat me Prishtinën, kjo e fundit udhëton në Skenderaj për të marr rezultat pozitiv pas disfatës kundër Ballkanit në javën e kaluar.
Të gjitha ndeshjet e kësaj fundjave transmetohen live në Radio Kosova.
Të shtunën takohen:
Gjilani-Feronikeli
Arbëria-Trepça ‘89
Ballkani-Besa
Të dielën takohen:
Drenica-Prishtina
Llapi-Drita
Të gjitha ndeshjet fillojnë në orën 13:30. /RTKLive/























