15:34 / 04.11.2020
Fiton më në fund Prishtina, Besa dhe Drenica ndajnë pikët
Prishtina ka regjistruar fitoren e parë pas tre humbjeve radhazi.
Bardhekaltërit triumfuan në shtëpi me rezultat minimal 1:0 ndaj Arbërisë.
Goli i Enis Gavazaj (11’) nga penalltia ishte vendimtar në këtë takim, ku mysafirët kishin rastet e tyre për të baraspeshuar rezultatin.
Prishtina ngjitet në vendin e pestë me 14 pikë, kurse Arbëria vijon rënien dhe tani pozicionohet në vendin e tetë me 11 pikë.
Ndërkaq, në ndeshjen tjetër Besa dhe Drenica kanë luajtur pa gola.
Drenica tashmë renditen në vendin e katërt me 15 pikë, kurse Besa në vendin e nëntë ka gjashtë pikë.























