08:57 / 05.11.2020
Kosova pa Rashicën në ndeshjet e nëntorit
Milot Rashica nuk do t’i bashkohet Kombëtares së Kosovës për tri ndeshjet e nëntorit.
Është Werder Bremen që ka vendosur të mos lëshojë lojtarët për ndeshjet e kombëtareve, raportojnë mediet gjermane.
Ky vendim i Werderit bën që Rashica sërish të mos mund t’i bashkohet Kosovës.
Kosova në nëntor zhvillon tri ndeshje, kundër Shqipërisë (miqësore) dhe Sllovenisë dhe Moldavisë (Liga e Kombeve).
Rashica nuk është grumbulluar te Kosova që nga ndeshjet e shtatorit.























