Dorëzon paratë, gjesti i shqiptarit vlerësohet nga autoritetet zvicerane
BKT
Shqipëri

Dorëzon paratë, gjesti i shqiptarit vlerësohet nga autoritetet zvicerane

Gjesti humanitar i një shqiptari në Zvicër është vlerësuar nga mediat dhe autoritetet zviceriane.  I riu shqiptar Eduard Latifi gjeti një çantë të braktisur para një dyqani të premten që lam pas. Latifi ishte me gruan dhe djalin e tij të vogël në Arbon gjatë ditës së uljeve të mëdha “Black friday” kur para një dyqani pa një çantë me ngjyrë të kuqe.

“Unë menjëherë mendova se dikush e kishte humbur atë. E hapa për të parë nëse kishte diçka të dyshimtë në të. Kur e hapa, pashë se kishte shumë para brenda. Më zuri paniku kur pashë të gjitha ato para. Gruaja ime më tha që të qetësohem. Prita për disa minuta aty me idenë se pronari mund të kthehej dhe ta merrte atë në të njëtin vend. Më pas u nisa në polici dhe e dorëzova çantën”, tregon Eduart Latifi.

Më pas policia ka identifikuar pronaren e cantës dhe pas konfirmimit është bërë dorëzimi. E zonja e cantës ka vlerësuar gjestin e Eduartit duke i lënë atij 100 franga në shenjë respekti.

Autoritet kanë falenderuar shqiptarin për gjestin e tij. “Pronarja e çantës së kuqe ishte një grua e moshuar. Ajo ishte në gjendje të identifikonte veten si pronare të parave dhe ne i dhamë asaj çantën dhe përmbajtjen e saj”, ka thënë zëdhënësi i policisë.(Diaspora Shqiptare)


MË SHUME NGA Shqipëri