Haradinaj: 3 dhjetori duhet të shërbejë si ditë e ndërgjegjësimit tonë
BKT
Lajme

Haradinaj: 3 dhjetori duhet të shërbejë si ditë e ndërgjegjësimit tonë

Kryetari i Aleancës për Ardhmërinë e Kosovës (AAK), Ramush Haradinaj ka thënë se 3 dhjetori që shënohet si dita për personat me aftësi të kufizuara duhet të shërbejë vetëm si ditë e ndërgjegjësimit tonë.

Haradinaj përmes një postimi në Facebook, ka shkruar se heqja e të gjitha barrierave, iu mundëson atyre një jetë sa më të lumtur.

Postimi i plotë:

Nuk është vetëm një ditë kur ne përkushtohemi për Personat me Aftësi të Kufizuara. Ata janë pjesë e rëndësishme e shoqërisë sonë.

3 dhjetori, që shënohet si ditë e tyre, duhet të shërbejë vetëm si ditë e ndërgjegjësimit tonë.

Sa më shumë dashuri, sa më shumë kushte, sa më shumë mundësi, sa më pak paragjykime për ta.

Heqja e të gjitha barrierave, iu mundëson atyre një jetë sa më të lumtur.

Jemi gjithmonë me ju!  


MË SHUME NGA Lajme