Këta janë anëtarët e rinj të Këshillit të Emërimeve në Drejtësi
BKT
Shqipëri

Këta janë anëtarët e rinj të Këshillit të Emërimeve në Drejtësi

Sot në presidencë u hodh shorti për zgjedhjen e anëtarëve të Këshillit të Emërimeve në Drejtësi (KED).

Presidenti Meta e përcaktoi që më herët datën 4 dhjetor për hedhjen e shortit.

Në short u zgjodhën kandidatët e sjellë nga Gjykata Kushtetuese, Këshilli i Lartë i Prokurorisë dhe Këshilli i Lartë Gjyqësor.

Kështu si rezultatit i shortit u përzgjodhën:

Nga përzgjedhja e gjyqtarëve nga gjykata kushtetuese rezultoi se:

Marsida Xhaferllari zgjidhet anëtare e KED

Elsa Toska zgjidhet anëtare e KED

Fiona Papajorgji, zgjidhet anëtarë zëvendësuese në KED.

Përzgjedhjen e përfaqësuesve nga Gjykata e Lartë

Ervin Pupe, anëtar i KED përfaqësues nga Gjykata e lartë
Ilir Panda anëtar zëvendësues i KED

Përfaqësuesit e Prokurorisë së Përgjithshme

Adnan Xholi anëtar i KED
Kujtim Luli anëtar zëvendësues në KED

Gjykatat e apelit, përfaqësuesit:

Astrit Kalaja anëtar i KED
Elona Toro anëtare e dytë e KED
Zegjine Sollaku anëtare zëvendësuese e KED

Përzgjedhja nga zyrat e Prokurorive pranë Gjykatave të Apelit:

Gjon Fusha anëtar i KED
Genti Xholi anëtar i Dytë i KED
Kleanth Zeka anëtar zëvendësues i KED

Përfaqësuesi nga gjykata administrative zgjidhet nga shorti rastësor:

Rilinda Selimi anëtare e KED
Gentiana Xhelili anëtare zëvendësuese në KED.

KED me anëtarët e rinj do të funksionojë përgjatë vitit 2021. KED është një organ kolegjial me 9 anëtarë dhe me mandat 1-vjeçar.

Ky institucion ka rol kyç në vlerësimin e kritereve profesionale e morale të kandidatëve për anëtarë të Gjykatës Kushtetuese. Ndërkohë vazhdimisht ambasadorja amerikane Yuri Kim po përsërit thirrjet për palët që ta bëjnë funksionale Gjykatën Kushtetuese deri më 31 dhjetor./TCH


MË SHUME NGA Shqipëri