Xhaçka padit për shpifje PD-në
BKT
Shqipëri

Xhaçka padit për shpifje PD-në

Ministrja e Mbrojtjes, Olta Xhaçka, ka paditur për shpifje Partinë Demokratike dhe përfaqësues të saj, pas akuzave për përdorim të mjeteve të Forcës Ajrore në fushatë zgjedhore.

Lajmin e bëri të ditur, zyra e shtypit të ministres Olta Xhaçka.

Një muaj më parë, Partia Demokratike me anë të ish-deputetes Albana Vokshi akuzoi ministren e Mbrojtjes Olta Xhaçka, se që prej kohës kur është komanduar si drejtuese e qarkut Dibër për PS-në, ka udhëtuar drejt këtij qarku mbi 20 herë me helikopterin e Forcave Ajrore.

Vokshi theksoi se çdo udhëtim i znj. Xhaçka me helikopter ushtarak drejt Dibrës ka një kosto finaciare, e cila varion nga 5-10 mijë euro.

Për këtë akuzë nuk mungoi edhe një reagim nga Forcat Ajrore të Shqipërisë, të cilat hodhën poshtë pretendimet e PD-së, njofton euronews.albania. 

Me anë deklarate, Forcat e Armatosura theksuan se informacionet e publikuara nga Partia Demokratike nuk janë të vërteta.

Forcat ajërore sqaruan se gjatë muajve të fundit janë kryer gjithsej 338 fluturime, ku 9 prej tyre janë bërë drejt Dibrës dhe jo 22, siç pretendon Partia Demokratike. 

Sipas tyre këto fluturime kanë qenë për emergjenca mjekësore dhe pjesa tjetër për emergjenca civile dhe trajnim rutinë për forcat përkatëse.


MË SHUME NGA Shqipëri