14:53 / 17.12.2020
Kuvendi votoi anëtarin e pestë të Gjykatës Kushtetuese, Altin Binaj
Kuvendi votoi sot me 96 vota “pro”, anëtarin e pestë të Gjykatës Kushtetuese, Altin Binaj.
Duke komentuar lajmin, në një postim në Twitter, kreu i grupit parlamentar të PS Taulant Balla, shkruan se kjo është një detyrë shtëpie e rëndësishme për ndërtimin e institucioneve të reja të Drejtësisë.
“Parlamenti shqiptar ka votuar sot anëtarin e fundit të Gjykatës Kushtetuese me 96 vota, të mjaftueshme për ta zgjedhur atë anëtarin e ri të Gjykatës Kushtetuese shqiptare. Kjo është një detyrë shtëpie e rëndësishme për ndërtimin e institucioneve të reja të Drejtësisë”, shprehet Balla.























