13:37 / 18.12.2020
Ndryshimet në kabinetin ministror, betohet Bledi Çuçi dhe Milva Ekonomi
Bledi Çuçi dhe Milva Ekonomi do të betohen në detyrat e reja që kanë marrë në kabinetin ministror.
Ceremonia është zhvilluar në ambientet e Presidencës mesditën e sotme para Presidentit Ilir Meta.
Bledi Çuçi është betuar si ministër i Brendshëm në vend të Sandër Lleshaj, ndërkohë që Milva Ekonomi do të zëvendësojë Çuçin në detyrën si ministre e Bujqësisë.
Në 14:30 Rama do të prezantojë Çuçin në Ministrinë e Brendshme, si ministri i katërt brenda këtij mandati të dytë të qeverisë Rama, njofton oranews.
Në Presidencë Çuçi dhe Ekonomi janë shoqëruar nga sekretari i përgjithshëm i Këshillit të Ministrave, ku pasi kanë marrë dekretin janë larguar nga institucioni.























