14:35 / 21.12.2020
Ministrja Bajrami priti ambasadorin japonez, në janar seminari i biznesit
Ministrja e Financave, Hykmete Bajrami, ka pritur sot në takim të ngarkuarin me punë në Ambasadën e Japonisë në Kosovë, Mitsunori Ogasawara.
Ministrja Bajrami dhe ambasadori Ogasawara bashkëbiseduan për situatën ekonomike, menaxhimin e pandemisë si dhe për tema të interesit të përbashkët të të dyja vendeve.
Pikë e veçantë e diskutimit ishte organizimi i seminarit të biznesit Kosovë-Japoni i cili do të mbahet me datë 14 janar 2021 në formë virtuale. Qëllimi i këtij seminari është intensifikimi i dialogut me palën japoneze me qëllim të fuqizimit të bashkëpunimit ekonomik ndërmjet dy vendeve tona.























