Hoxhaj: Jam i sigurt që PDK do të udhëheq qeverinë e ardhshme
BKT
Lajme

Hoxhaj: Jam i sigurt që PDK do të udhëheq qeverinë e ardhshme

Ushtruesi i detyrës së kryetarit të PDK-së, Enver Hoxhaj është shprehur i bindur se qeveria e ardhshme në Kosovë do të udhëhiqet nga partia e tij.

Nga Tirana ku po qëndron në një vizitë zyrtare, kandidati i PDK-së për kryeministër tha se së shpejti do të dalin me platformë për integrim të mirëfilltë ekonomik ndërmjet Kosovës dhe Shqipërisë.

“Unë jam mandatar nga PDK-ja që të udhëheqin qeverinë e ardhshme të Kosovës dhe jam i sigurt që PDK do të udhëheq qeverinë e ardhshme të Kosovës. Kam qenë gjatë në pozita të ndryshme në Kosovë. Qëllimi im është që të kemi një mendim dhe plan të ri në raport me Shqipërinë sa i përket bashkëpunimit politikë se nuk mundemi të sillemi në parametrat e 2008 se çka të bëjmë me 2020. Këtë drejtim do të bëjmë përpjekje që të dalim me një platformë politik dhe një intergrim të mirëfilltë të ekonomisë më Kosovë dhe Shqipërisë për t’i larguar të gjitha barrierat”, tha ai.


MË SHUME NGA Lajme