Ibrahimovic kthehet për të luajtur ndaj Cagliarit
BKT
Sport

Ibrahimovic kthehet për të luajtur ndaj Cagliarit

Lajme të mira në shtëpinë e Milanit, Zlatan Ibrahimovic ka marrë pjesë në stërvitje me grupin e skuadrës pas një muaji e gjysëm.

Sipas asaj që raporton “SKY Sport”, gjiganti suedez nuk do të jetë i disponueshëm në ndeshjen ndaj Torinos e cila është e programuar të zhvillohet ditën e nesërme me fillim nga ora 20:45, transmeton "Panorama".

Me shumë mundësi bomberi suedez do të jetë prezent në sfidën ndaj Cagliarit, të hënën e 18 janarit në mbrëmje në stadiumin “Sardegna Arena”.

Pas shumë mungesave, vjen një lajm i mirë për Stefano Piolin i cili po rikuperon lojtarin e tij më të rëndësishëm.