Në moshën 24-vjeçare vdes nga mbidoza modeli Harry Brant
Harry Brant, modeli dhe djali i Stephanie Seymour dhe Peter Brant, ka ndërruar jetë.
Modeli dhe sipërmarrësi, Harry Brant, ka vdekur, konfiruan prindërit e tij në një deklaratë të marrë nga CNN.
Ai ishte 24 vjeç.
Brant, djali i modeles Stephanie Seymour dhe biznesmenit Peter Brant, vdiq nga një mbidozë aksidentale, thanë familja e tij.
“Me trishtim të madh ne ndajmë lajmin se djali ynë i dashur, Harry Brant, humbi betejën e tij me varësinë dhe vdiq për shkak të një mbidoze aksidentale. Zemrat tona janë copëtuar. Harry donte të kapërcente varësinë e tij dhe ishte vetëm disa ditë nga rikthimi në rehabilitim”, thuhej në deklaratën e tyre.
“Harry nuk ishte vetëm djali ynë, ai ishte gjithashtu një vëlla i mrekullueshëm, nip i dashur, xhaxhai i preferuar dhe një mik i dashur. Ai ishte një shpirt krijues, i dashur dhe i fuqishëm që solli dritë në zemrat e kaq shumë njerëzve. Ai ishte me të vërtetë një person i bukur brenda dhe jashtë”, vazhdoi deklarata.
Brant e donte modën dhe ndihmoi në zhvillimin e një linje kozmetike unisex, sipas familjes së tij.
“Ai arriti shumë në 24 vitet e tij”, shkruan ata. “Por ne kurrë nuk do të kemi mundësinë të shohim se sa mund të kishte bërë Harry më tepër”.
“Ne do të trishtohemi përgjithmonë që jeta e Harryt u ndërpre nga kjo sëmundje shkatërruese. Kërkojmë që ju lutemi të lejoni privatësinë e familjes tonë ndërsa përpiqemi të përballojmë humbjen e djalit tonë të bukur”, përfundon deklarata.























