Voltana Ademi: Situata e përmbytjeve në Shkodër është rënduar

Voltana Ademi: Situata e përmbytjeve në Shkodër është rënduar

Kryetarja e Bashkisë Shkodër Voltana Ademi deklaroi sot se do të kërkojë gjendjen e emergjencës civile në nivel lokal pasi situata e përmbytjeve në Bashkinë e Shkodrës është rënduar dhe parashikohet që në ditët në vijim të ketë rritje të sipërfaqes dhe nivelit të ujit.

Ajo tha më tej se dy familje janë evakuar dhe ka nisur evakuimi i gjësë së gjallë në Daragjat.

“Situata e përmbytjeve në territorin e Bashkisë së Shkodrës është e rënduar ditën e sotme. Ka rritje të ndjeshme të sipërfaqes nën ujë dhe parashikohet që në ditët në vijim të ketë rritje të sipërfaqes dhe nivelit të ujit. Mbi 200 ha tokë bujqësore e mbjellë nën ujë.

Sot uji ka hyrë në dy banesa në Obot të Anës së Malit, familjarët e të cilave janë evakuuar. Po ashtu, në Darragjat ka nisur evakuimi i gjësë së gjallë.
Emergjencë vazhdon të mbetet ushqimi për gjënë e gjallë, ku akoma nuk ka një përgjigje nga Institucioni i Prefektit të Qarkut dhe Ministria e Bujqësisë për kërkesën tonë për furnizim, kërkesë e bërë që me 14 janar 2021.
Në këto kushte, do të veprojmë me fondet e emergjencave civile të Bashkisë së Shkodrës, duke nisur procedurat për sigurimin ushqimit për gjënë e gjallë në një sasi rreth 200 ton koncentrat.
Do të kërkojmë gjendjen e emergjencës civile në nivel lokal për të mundësuar përgjigjen ndaj situatës aktuale, por edhe asaj post- përmbytje”, deklaroi Ademi./BW

 


MË SHUME NGA Mbarëshqiptare