Zgjerohet harta e përmbytjeve në Shkodër

Zgjerohet harta e përmbytjeve në Shkodër

Zgjerohet harta e përmbytjeve në Bashkinë e Shkodrës, e cila ka hyrë në ditën e 19.

Hidrometri në Dajç shënon kuotën 6.61 metër ndërkohë që kuota maksimale është 6.30 metër.

Hidrometri i Liqenit të Shkodrës shënon kuotën 8.83 metër ndërkohë që kuota maksimale 8.70 metër.

Hidrometri i lumit Drin  është në kuotën maksimale.

Janë shtuar prurjet në Lumin Kir gjithashtu.

Sipërfaqja totale e përmbytur ka arritur në 2315 hektarë

Rruga e Obotit është e kalueshme vetëm me varkë lundruese pasi  niveli i ujit mbi rrugë arrin rreth 1.15 metër. Gjatë ditës së djeshme fshati Obot mbeti dhe pa energji elektrike.

Rruga që lidh fshatrat Shirq-Darrgjat është e bllokuar. Ka prezencë uji me mbi 1 metër. Ndërkaq 40 shtëpi janë të rrethuara nga uji, njofton euronews.albania.

Bashkia e Shkodrës ka kërkuar nga ushtria varka, për të kaluar në rrugën e Obotit si dhe mbështetje me bazë ushqimore për gjënë e gjallë.