20:57 / 02.02.2021
Laporta: Xavi nuk është i gatshëm të menaxhojë Barcelonën
Kandidati potencial për të marrë postin e presidentit të Barcelonës, Joan Laporta, beson se Xavi Hernandez nuk është i gatshëm të menaxhojë Barcelonën.
Laporta beson se Xavi ka akoma mungesë të eksperiencës, por në të ardhmen ai patjetër mund të jetë trajner i klubit Blaugran.
“Miqësia ime me Xavi vazhdon të jetë shumë më e mirë”, tha kandidati presidencial në Barcelonë për RAC1, shkruan lajmi.net.
58 vjeçari beson se Koeman është njëriu i duhur për këtë punë dhe ka eksperiencë të mjaftueshme.
Nga ana tjetër, kandidati tjetër presidencial, Victor Font, ka një plan për të sjellë ish-mesfushorin legjendar të Barcelonës si trajner të ekipit.
Për momentin, Xavi është duke udhëhequr klubin nga Katari, Al Sadd.























