20:14 / 09.02.2021
Haradinaj: Zhvillimi i vendit dhe mirëqenia e qytetarëve janë detyrat e mia
Kreu i AAK-së, Ramush Haradinaj, ka kërkuar përkrahjen e rahovecianëve në synimin e tij për t’u bërë president.
Ai atje iu premtoi qytetarëve zhvillimin të përgjithshëm dhe mirëqenie derisa këto dyja i prezantoi edhe si detyra të tij.
“Sigurimi i ekuilibrit të pushteteve, mbështetja e qeverisë në reforma të rëndësishme për zhvillimin e përgjithshëm dhe mirëqenien e qytetarëve do të jetë detyrë e imja që do e kryej me përgjegjësi e përkushtim të plotë si President i ardhshëm i Kosovës”, ka thënë Haradinaj.
Para Rahovecit, Haradinaj ishte në Suharekë për fushatë.























