14:05 / 15.02.2021
Vjosa Osmani e Avdullah Hoti bëhen bashkë për shënimin e Pavarësisë
Zyra e Kryeministrit ka planifikuar disa aktivitete për shënimin e 13 vjetorit të shpalljes së Pavarësisë së Kosovës.
Sipas kësaj agjende janë planifikuar disa aktivitete artistike, homazhe, koncerte festive, ekspozita, shfaqje të filmave e baletit, lojëra, ndarje të çmimeve për letërsi përgjatë katër ditëve.
Zyra e Kryeministrit ka udhëzuar të gjitha shkollat fillore dhe të mesme të Republikës së Kosovës që në orën e parë të mësimit, në datën 16 shkurt 2021, të diskutojnë për 17 shkurtin 2008, ditën e shpalljes së Pavarësisë së Kosovës.
Përveç kësaj të gjitha komunat udhëzohen që të stolisin rrugët dhe sheshet kryesore të qyteteve me flamurin e Republikës së Kosovës.























