Devolli dhe Drenica ndajnë rrugët
Trajneri Bledar Devolli ka dhënë dorëheqje nga Drenica pas humbjes nga Dukagjini.
Drenica sot (e mërkurë) u eliminua nga Dukagjini duke humbur me rezultat minimal 1 – 0.
Së fundmi, Devolli ka konfirmuar largimin nga posti i trajnerit së Drenicës.
Komunikata e plotë e Drenicës pa ndërhyrje:
“Bledar Devolli ndahet me klubin!
Skenderaj – 17-03-2021
Trajneri Bledar Devolli, ka paraqitur dorëheqjen para kryesisë së klubit , pas eleminimit nga Kupa e Kosovës, në çerekfinale, nga Dukagjini i Klinës sot me shifrat 1:0.
Drejtuesit e klubit kanë aprovuar pasditë dorëheqjen e trajnerit Devolli, dhe sot përfundon angazhimi i trajnerit gjirokastrit në klubin tonë.
Ne e falenderojmë Bledar Devollin për punën dhe angazhimin në klub gjatë gjithë kësaj kohe, por këtu ndahen rrugët. Klubi i uron suksese Devollit në angazhimet e tij të radhës.
Drejtuesit e klubit shumë shpejt do ta zyrtarizojnë trajnerin e ri që do t’a udhëheq skuadrën në vazhdim”, shkruhet në komunikatë.























