15:13 / 24.03.2021
Helen Mirren me rol në filmin e ardhshëm “Shazam: Fury of the Gods”
Ylli britanik 75-vjeçar, Helen Mirren, i është bashkuar kastës së aktorëve të filmit të ardhshëm, “Shazam: Fury of the Gods”, ku do ta luajë rolin e personazhit të ligë Hespera, e cila në përshkrimin zyrtarë të filmit prezantohet si vajza e Atlasit.
Hespera nuk ka rol të qartë në librat komik “DC Comics” mbi të cilët bazohet ky projekt, por Atlas është emri i disa personazheve të frymëzuar nga titani i mitologjisë antike greke.
Edhe aktorja Rachel Zegler e ka konfirmuar pjesëmarrjen e saj në këtë projekt, derisa nuk dihet saktë se çfarë roli do ta luajë.























