Ujkani: Duhet të japim maksimumin kundër Suedisë
BKT
Sport

Ujkani: Duhet të japim maksimumin kundër Suedisë

Kapiteni i Kosovës, Samir Ujkani, ka folur për Super Sport pas fitores së madhe të Kosovës në miqësore kundër Lituanisë, para ndeshjeve të rëndësishme kundër Suedisë dhe Spanjës.

“Ishte e rëndësishme ta nisim mirë, pavarësish mungesave që kishim”, tha ai, transmeton GE.

“Besoj ia kemi filluar mirë, ishte e rëndësishme që të mos pësojmë gol dhe është një rezultat i mirë para finaleve që i kemi”.

“Gjithmonë mund të bëjmë më mirë, Vojvoda luajti qendërmbrojtës, nuk ka luajtur asnjëherë, por luajti mirë. Mund të bëjë gabime, por nuk është pozita e tij, por si ekip shpëtojmë njëri tjetrin”.

“Kosova a mund ta befasojë Suedinë? Besoj se Suedia me Spanjën janë favorit me fituar grupin. Na mungojnë shumë tifozët, janë ndihma jonë e madhe që na kanë ndihmuar gjithmonë, Sido që të jetë, duhet të luajmë si sot dhe të japim gjithmonë maksimumin për të arritur me rezultat pozitiv”.

Kjo miqësore për Kosovën ishte e rëndësishme para ndeshjeve kualifikuese për Botërorin “Katar 2022”.

Të dielën, Dardanë do të presin në Fadil Vokrri Suedinë e Zlatan Ibrahimovic, derisa të mërkurën (31 mars), do të udhëtojnë në Spanjë për t’u përballur me super ekipin e Luis Enriques.