Ky është programi i nesërm në `Mirëmëngjesi Kosovë`
Nesër në emisionin e mëngjesit “Mirëmëngjesi Kosovë”, në Radio Televizionin e Kosovës (RTK), do të diskutohet për tema të ndryshme, për të cilat do flasin mysafirët e ftuar.
Mysafir i parë është, Muhamet Arifi, drejtor i “Balkan Sunflowers Kosova”.
Ai do të flas për projektin, Rritja e ndërgjegjësimit dhe imunizimi i fëmijëve Romë, Ashkali dhe Egjiptian.
Kurse, Elmaze Nura, regjisore, do të flas për premierën e shfaqjes, Gratë në Parlament.
Krenare Salihu, menaxhere e projektit në WWF Adria në Kosovë, flet për iniciativën, Ora për Planetin Tokë.
Emisioni i mëngjesit “Mirëmëngjesi Kosovë”, përpos bisedave në studio dhe lidhjeve të drejtpërdrejta nga vende të ndryshme të Kosovës, sjellë për shikuesit edhe storie të ndryshme të përgatitura nga gazetarët e RTK-së.























