Zemaj: Mbi 100 mijë vaksina Pfizer pritet të vijnë në qershor
BKT
Lajme

Zemaj: Mbi 100 mijë vaksina Pfizer pritet të vijnë në qershor

Ish-ministri i Shëndetësisë, Armend Zemaj ka thënë se COVAX i ka konfirmuar se në Kosovë do të arrijnë 100.620 vaksina anti Covid-19 në qershor.

“Nga komunikimi i fundit që arriti sot nga COVAX, për sigurimin e radhës së vaksinës Pfizer-BioNTech komunikim të cilin ia përcolla Ministrit Vitia për ta vazhduar atë zyrtarisht, konfirmohen 100.620 vaksina antiCOVID-19 në qershor, për qytetarët e Republikës së Kosovës”, ka shkruar Zemaj në Facebook.

Zemaj shpreh edhe një herë falënderimin e thellë për shtetet mike, organizatat ndërkombëtare dhe vendore si dhe ekipin profesional të Republikës së Kosovës të cilët u angazhuan me muaj të tërë për sigurimin sa më të shpejtë të vaksinave.

Kosova të dielën mori kontingjentin e parë prej 24 mijë doza të vaksinave antiCOVID-19, ndërsa dje nisi procesi i vaksinimit me AstraZeneca.


MË SHUME NGA Lajme