09:16 / 15.04.2021
Europa League sonte mëson gjysmëfinalistët
Çekerekfinalet e Europa League zhvillohen sonte me fillim nga ora 21:00.
Arsenal duhet të shënojë fitore ndaj Slavia Pragës për të siguruar gjysmëfinalen e kësaj gare pas barazimit 1-1 në ballafaqimin e parë ndërmjet tyre.
Roma do ta ketë një mision më të vështirë pasi e pret Ajaxin në stadiumin “Olimpico” edhe pse ka një avantazh minimal 2-1 nga ndeshja e parë e zhvilluar javën e kaluar.
Manchester United do të kërkojë të kalojë më tutje në ballafaqim me skuadrën spanjolle Granada ndaj së cilës fitoi në ndeshjen e parë me rezultat 2-0.
Ndeshja tjetër është ajo ndërmjet Villarealit dhe Dinamos së Zagrebit. Sfida e parë mes tyre përfundoi me rezultat 1-0 në të mirë të skuadrës spanjolle.























