Rama: Njerëz pa lidhje me ne, duan të baltosin PS
BKT
Shqipëri

Rama: Njerëz pa lidhje me ne, duan të baltosin PS

Kryeministri Edi Rama ka reaguar pak pasi Shtabi Elektoral i Partisë Socialiste Dibër deklaroi se personi u kap në Dibër me dyshimin se po blinte vota, është i LSI-së.

Në një postim në Twitter, Rama shkuan se bëhet fjalë për inskenim e për kapje njerëzish që nuk kanë lidhje me PS-së, me qëllim që të baltosin partinë.

Po ashtu, kreu i qeverisë shton se “kur kapen duke u betuar se do të vrasin apo duke blerë vota me zë dhe figurë” tregojnë që janë sipas tij, llumi i shoqërisë.

POSTIMI

“Vrasin, kërcënojnë, akuzojnë, inskenojnë kapje njerëzish pa lidhje me PS që të baltosin PS, e kur kapen me presh në duar duke u betuar se do vrasin apo duke blerë vota me zë e më figurë, shfaqen deri në fund ashtu si janë: Llumi i shoqërisë, mallkim historik që do zhbëhet të dielën!”

Më herët, PS Dibër njoftoi se personi që u kap të enjten në Maqellarë me para për të blerë vota nuk është i Partisë Socialiste, por i LSI-së. Sipas tyre, punonjësi i Bashkinë Bulqizë, nuk është pjesë e strukturave të PS dhe është punësuar në vitin 2015 nga deputeti i LSI Përparim Spahiu, me të cilin ka edhe një lidhje krushqie. /abcnews.al/


MË SHUME NGA Shqipëri