Anulohet festivali “Burning Man”, shkak COVID-19
BKT
Magazina

Anulohet festivali “Burning Man”, shkak COVID-19

Një tjetër festival i njohur është anuluar për shkak të COVID-19.

Pandemia ka bërë që edhe një festival i dashur të mos ndezë flakë, shkruan CNN.

Organizatorët e festivalit Burning Man njoftuan të martën se po anulonin veprimtarinë e tyre personale për të dytin vit radhazi.

“14 muajt e fundit kanë qenë një udhëtim i trazuar i evolucionit dhe ndryshimit për çdo njeri në këtë planet,” njoftoi projekti Burning Man në faqen e tij zyrtare.

“Na është dashur t’i përshtatemi kthesave të një krize globale, informacionit kompleks të shëndetit publik dhe shpresës në rritje që së shpejti mund të fillojmë të rindërtojmë jetën tonë së bashku”, thuhet tutje në deklaratë.

Deklarata vazhdoi të shpjegonte se “Të gjithë ne në Burning Man projekt kemi qenë të zënë me projeksionin e të gjithë skenarëve të mundshëm që do të na lejonin të rikthenim në jetë qytetin tonë të shkretëtirës më 2021. Variablat janë të shumtë dhe aftësia jonë për të kapërcyer sfidat është e lartë. Kjo është ajo që bëjmë “.

“Megjithëse këtu në Shtetet e Bashkuara mund të ndiejmë ngritjen e peshës dhe dritën në fund të tunelit duke u ndriçuar, ne jemi akoma në pandemi dhe pasiguritë që duhet të zgjidhen është e pamundur të zgjidhen në kohën që kemi”, njoftoi projekti Burning Man.

Festivali, i cili filloi më 1986, mbahet tradicionalisht në Black Rock City, Nevada, çdo verë. Është më së shumti i njohur për ngjarjen përmbyllëse, në të cilën ndizet një simbol i madh i një burri prej druri.

Ngjarja tërheq çdo vit dhjetëra mijëra persona dhe në të kaluarën kishin marrë pjesë njerëz të famshëm nga Sean “Diddy” Combs deri në Katy Perry.

Ashtu siç bënë për ngjarjen e 2020-ës, organizatorët po shpallin një “Burning Man Virtual”, i cili do të fillojë në 21 gusht.

Nuk do të ketë asnjë pagesë për të marrë pjesë në internet, megjithëse donacionet inkurajohen për të ndihmuar organizatorët të kompensojnë dy vitet e humbura të festivalit.


MË SHUME NGA Magazina