Ervin Bushati: Më e rëndësishme, fitorja e PS-së
BKT
Shqipëri

Ervin Bushati: Më e rëndësishme, fitorja e PS-së

Ervin Bushati, kryetari i PS-së në Tiranë, i cili nuk mundi të siguronte mandatin e deputetit në këtë qark, është shprehur në rrjetet sociale se ka punuar shumë për arritur objektivin në këto zgjedhje.

“PS Tiranë mori një numër rekord votash: +19,042 më shumë se në vitin 2017, falë përpjekjes sonë të përbashkët në këto dy vite bashkë. Në cilësinë e Kryetarit të PS Tiranë ndieja se kisha përgjegjësinë për të gjithë përfaqësuesit e Partisë Socialiste Tiranë dhe u sigurova që energjia jonë të shkonte për të mirën e madhe, Partinë Socialiste”, shkruan Bushati.

Sa i përket humbjen së tij, ai shprehet se më e rëndësishme dhe më e bukur është fitorja më e madhe në PS.

“Falënderoj mbështetësit e mi për të gjithë energjinë dhe qytetarinë e treguar dhe ndjesë, po përsëri për mbështetësit e mi, edhe si i pari socialist i Tiranës, për pritshmëritë individuale: më e rëndësishme dhe më e bukur është fitorja më e madhe në PS. Tani na pret një punë edhe më e madhe”, përfundon Bushati.

Ervin Bushati mundi të marrë në zgjedhjet e 25 prillit vetëm 2837 vota, duke mos siguruar mandatin e deputetit në parlamentin e ardhshëm.


MË SHUME NGA Shqipëri