12:42 / 14.05.2021
Lingard shpallet lojtari më i mirë i muajit prill në Premierligë
Futbollisti i West Ham United, Jesse Lingard, është zgjedhur lojtari më i mirë i muajit prill në Premierligë.
Lingard ka shënuar gjatë muajit prill katër gola dhe gjithashtu ka regjistruar dy asistime për klubin e tij, raporton lajmi.net.
West Ham është duke luftuar për të siguruar një vend në garat evropiane, ku për momentin gjendet në pozitën e gjashtë me 58 pikë në Premierligë.
Akoma nuk dihet se çfarë do të ndodhë me të ardhmen e Lingard, pasi ai është i huazuar te ‘Çekanët’ nga Manchester United.
























