Vetingu, KPK konfirmon në detyrë prokurorin e Elbasanit, Alfred Shehu
BKT
Shqipëri

Vetingu, KPK konfirmon në detyrë prokurorin e Elbasanit, Alfred Shehu

Komisioni i Pavarur i Kualifikimit konfirmoi sot në detyrë Alfred Shehu, prokuror pranë rrethit gjyqësor Elbasan.

Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancës dëgjimore vendosi konfirmimin në detyrë të subjektit të rivlerësimit, Alfred Shehu, prokuror pranë Rrethit Gjyqësor Elbasan.

Vendimi i arsyetuar me shkrim nga trupi gjykues i kryesuar nga Firdes Shuli,  Etleda Çiftja relatore, Roland Ilia anëtar, do t’u njoftohet subjektit të rivlerësimit, komisionerëve publikë dhe vëzhguesve ndërkombëtarë brenda 30 ditëve.

Ky vendim, me përjashtim të pikës 2, mund të ankimohet në Kolegjin e Posaçëm të Apelimit nga subjekti i rivlerësimit dhe/ose Komisioneri Publik 15 ditë nga data e njoftimit të vendimit të Komisionit. Ankimi depozitohet në Komisionin e Pavarur të Kualifikimit./atsh


MË SHUME NGA Shqipëri