Sulmohen fansat e Manchester United para finales së Europa Ligës
Rreth 30 tifozë të Manchester United që vizituan Gdansk për finalen e Europa League u sulmuan në një tarracë restoranti të martën vonë.
Kështu shkroi gazeta Wyborcza, duke cituar policinë lokale, transmeton KK.
United konfirmoi se po ndihmon viktimat që ishin kapur në ngjarjet që u zhvilluan përpara finales së tyre të Ligës së Europës kundër klubit të La Liga Villarreal në Gdańsk Stadium.
“Stafi i klubit po ndihmonte një numër tifozësh të United në Gdansk mbrëmë dhe sot pas një incidenti ku disa nga mbështetësit tanë u sulmuan jashtë një lokali në qytet”.
Kryebashkiakja lokale Aleksandra Dulkiewicz dënoi sulmin ndaj mbështetësve të United, duke thënë në një deklaratë se Gdansk ishte një qytet i hapur pa vend për dhunë.
“Dje pati një sulm huligan ndaj tifozëve të ekipeve që erdhën në finalen e Europa League. Në Gdansk, një qytet i hapur dhe i bazuar në solidaritet, nuk ka vend për ndonjë dhunë”.
“Të dashur tifozë të Manchester United dhe Villarreal, të gjithë mysafirë që erdhën në Gdansk – ju vlerësoheni gjithmonë këtu dhe ju mirëpresim përzemërsisht në qytetin tonë”.























