Ish-gruaja e Jeff Bezos dhuron 2.7 miliardë dollarë

Ish-gruaja e Jeff Bezos dhuron 2.7 miliardë dollarë

“Do të dhurojë para deri sa të boshatiset kasaforta”. Këto ishin fjalët e Mac Kenzie Scott në 2019 dhe shumë pak i besuan. Kjo sepse 51-vjeçarja është një nga gratë më të pasura në botë, dhe në kasafortën e saj ndodheshin në atë kohë rreth 68 miliardë dollarë.

Por mesa duket ajo po e mban premtimin e saj, të formalizuar nga nënshkrimi i iniciativës Giving Pledge, ku disa nga më të pasurit e globit, duke filluar nga ish-çifti Bill dhe Melinda Gates, kanë deklaruar se do të dhurojnë gjatë jetës së tyre pjesën më të madhe të pasurisë së tyre marramendëse.

Ish-bashkëshortja e themeluesit të Amazon Jeff Bezos, ka dhuruar rreth 8 miliardë dollarë, 2.7 miliardë vetëm në orët e fundit

Deri më tani, ish-bashkëshortja e themeluesit të Amazon Jeff Bezos, ka dhuruar rreth 8 miliardë dollarë, 2.7 miliardë vetëm në orët e fundit. Sipas burimeve, përfituesit janë 286 organizata që operojnë kryesisht në fushën e barazisë gjinore dhe raciale, por edhe në art dhe universitete.

“Dëshiroja t’u dhuroja atyre që deri më tani kanë patur financime të pakta”, deklaroi ajo.

Pavarësisht dhuratave marramendëse, zonja Scott mbetet sërish personi i 22-të më i pasur në botë, me një pasuri rreth 59.5 miliardë dollarë. Kasaforta e saj kërkon shumë kohë për t’u boshatisur.


MË SHUME NGA Magazina