18:15 / 25.06.2021
7 raste të reja me COVID-19 në Shqipëri
Këtë të premte është regjistruar një rritje e lehtë e rasteve të reja me koronavirus në Shqipëri, krahasuar me ditët e fundit, kur janë shënuar një apo dy të infektuar.
Sipas Ministrisë së Shëndetësisë, në 24 orët e fundit kanë rezultuar pozitivë shtatë qytetarë, të zbuluar pas testimit të 2.706 personave.
Asnjë i infektuar nuk ka humbur jetën, ndërsa 11 qytetarë janë shëruar.
Në spital po trajtohen nga mjekët vetëm dy pacientë, një prej të cilëve është në terapi intensive.























